Politiit ullormut nalunaarutaat: Biilertartunut kaammattuuteqarneq, imigassartorsimatilluni biilertoq umiatsiamillu aallarussisoq

Kalaallit Nunaanni Politiinut sapaat ulapaarfiuallaanngilaq, sillimasut pisortaat Aputsiaq Hansen oqarpoq. 

Politiit Uummannami umiatsiamik aallarussisoqarsimaneranik sapaammi unnukkut nalunaarfigineqarput. 

- Angut kingusinnerusukkut nammineq sianerpoq aallarussisimalluni sumiinninilu oqaatigalugu, Aputsiaq Hansen oqarpoq.  

Taassuma saniatigut, Kalaallit Nunaanni Politiit Nuummi angut imigassartorsimatilluni biilersimasoq tigusaraat. 

- Nalunaaqutaq qulinut nalunaarfigineqarpugut. Nuup qeqqani biilit unitsippagut, Aputsiaq Hansen oqarpoq.  

Atualertoqarnera

Sillimasut pisortaa aamma biilertartunut Nuummi meeqqat atualernerannut atatillugu kaammattuuteqarpoq.

- Atuariartorlutik pisuttut sissuerneqassapput taamaattumik biilernermi sissueqqissaartoqassaaq, Aputsiaq Hansen oqarpoq. 

Kommuneqarfik Sermersooq Atuarfik Inussuup eqqaani angallannermut pilersaarummik nutaamik aamma saqqummiussivoq. Taannalu ugguuna takuneqarsinnaavoq. 

Atuarfiup eqqaani aamma sissuertoqassaaq taakkulu orangeanik atisaqassapput.