Amerikamiut sakkutuuvi 8500-it missaanik amerlatigisut sapaatit akunnerani matumani upalungaarsimatinneqarput.Assi: RitzauScanpix

Biden Europap kangianut sakkutuulersuiniartoq

Ruslandimiut sakkutuuvi Ukrainep killeqarfiata eqqaanniitinneqartut amerlisinneqarmata, amerikamiut sakkutuuvi piffissaq sivikitsoq atorlugu Europaliartinneqarnissaannut periareersimatinneqarput.

NATO-mi sakkutuut illersoqatigiit nukittunerulersinniarlugit, Amerikamiut sakkutuuvi piffisami qanittumi Europap kangisinnerusortaanukartinneqassapput.

USA-p præsidentia Joe Biden ippassaq tallimanngornermi taama oqarpoq.

Nutaarsiassaqartitsivik AFP taama allaaserisaqarpoq .

- Sakkutuut amerlavallaanngitsut Europap kangianut nunanullu NATO-mut ilaasortaasunukartissavakka, Joe Biden oqarpoq.

AAMMA ATUARUK USA russit Ukrainemut saassussigaluarpata Ukrainemut sakkutigut tapersiiniartoq

Sakkutuut qanoq amerlatigisut aamma sumukartinneqassanersut erseqqinnerusumik oqaatiginngilaa.

Amerikamiut sakkutuuvi 8500-it missaanik amerlatigisut sapaatit akunnerani matumani upalungaarsimatinneqarput.

Ruslandimiut sakkutuuvi Ukrainep killeqarfiata eqqaanniitinneqartut amerlisinneqarmata, amerikamiut sakkutuuvi piffissaq sivikitsoq atorlugu Europaliartinneqarnissaannut periareersimatinneqarput.

- Russit sakkutuuminnik ikilisaaniarnissaminnik siunertaqanngitsut takuneqarsinaalluarpoq, USA-mi illersornissamut ministereqarfimmi Pentagonimi oqaaseqartartoq John Kirby oqarpoq.

AAMMA ATUARUK Ruslandip Ukrainimut isernissaat USA-p aarleqqutigigaa

Ruslandip præsidentiata Vladimir Putinip sakkutuut 100.000-it missaannik amerlatigisut Ukrainep killeqarfiata eqqaanukartipai. Putinillu oqarnera naapertorlugu sakkutuut nunamut sanilerisamut isaatinneqarnissaanik pilersaaruteqartoqanngilaq.

Nunap siornatigut Sovjitunionimi kunngiitsuuffiusimasup Ukrainip Natomut ilaasortanngunngisaarnissaanik Moskvami aqutsisut piumasaralugu qulakkeerniarsimavaat, taamaaliortoqarparmammi sakkutuut killeqarfiup eqqaaaniiittut ikilisarneqassamata.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl