Bibi Chemnitz Arnat ulluanni Københavnimi oqalugialersoq
Aaqqissuussinermi arnat allamiut Danmarkimi najugaqartut nersorniarneqarput - Bibi Chemnitzillu arnatut kalaalertut Danmarkimi inuussutissarsiornerup iluani misigisartakkani oqaluttuarissavai.
Aaqqissuussineq naligiissitaanermut ministerimit Karen Ellemannimit ammarneqassaaq unnuullu ingerlanerani oqallitsitsinerit arlallit ingerlanneqassapput. Ilaatigut nammineq kulturerinngisami meeqqanik perorsaanermi ajornartorsiutaasartut oqallisigineqassapput. Aamma arnat anguniagaat, suliffeqarnerat anguniagaallu oqallisigineqassapput. Oqallinnermilu tassani Bibi Chemnitzip Danmarkimi arnatut kalaallitut inuussutissarsiuteqartuuneq oqaluttuarissavaa.
AAMMA ATUARUK AWG-mut peqataasussat Bibi Chemnitzimeersunik atisaqassasut
- Minority Talksimut qaaqqusaanera tulluusimaarutigeqaara, Kalaallit Nunaammi pillugu oqaluttuat pitsaasut sapinngisamik amerlanerpaat Danmarkimi tusagassiuutini saqqummiunneqarnissaat pingaaruteqarpoq, Bibi Chemnitz taama oqarpoq.
Københavnip Atuagaateqarfissuani aaqqissuussineq nal. 17-imit 20-p tungaanut pissaaq.
Aaqqissuussinermut peqataaneq akeqanngilaq, aamma inuit 4000-init amerlanerusut soqutiginnillutik Facbookimi nalunaarsimapout, taamaammat siusinaarlusi takkukkisi, Bibi Chemnitz taama kajumissaaruteqarpoq.