AWG-mut peqataasussat Bibi Chemnitzimeersunik atisaqassasut
![](/sites/default/files/styles/image_934x467/public/_p0a7640-edit.jpg?itok=hHSUKNpj)
![](/sites/default/files/styles/image_934x467/public/_p0a7801.jpg?itok=zvQfW28T)
![](/sites/default/files/styles/image_934x467/public/_p0a7820-edit.jpg?itok=s2EW_RSM)
Kalaallit Nunaanni Timersoqatigiit Kattuffiat AWG-imut peqataanissaminut qilanaarpoq, inuusuttorpassuimmi unammiartortussat atisanik nutaanik tunineqassapput.
Akunnaami atuartut siorna titartaanermi unammisitsinermi ajungaasutut ilusilersorsimasaat kavaajap iluani, tujuulup qungasequteeqqallu allartaa takuneqarsinnaassaaq.
Bibi Chemnitz-ip atisat kusanarluinnartut ilusilersungai peqataasunit 169-iusunit atorneqassapput, Kalaallit Nunaanni Timersoqatigiit Kattuffianni pisortaq Carsten Olsen oqarpoq nangilluni:
- Kusanartorujussuupput, suminngaanneernerallu paattuungassaassanngilaq. Taamaattorli kavaajap tunuani Greenland allaqqassanngilaq. Air Greenland pingaarnertut aningaasaliisuunera atorluarlugu suliffeqarfittut ilisarnaataa ersersinneqassaaq.
Arctic Winter Games ukioq ataaseq allortarlugu ingerlanneqartarpoq. Nuummi 2016-imi ingerlanneqarpoq, ukiormannalu South Slavemi illoqarfinni Hay Riverimi aamma Fort Smithimi ingerlanneqassaaq.
AWG timersornermik kulturikkullu pikialaarnermik pisoqarfiusumik ingerlanneqartarpoq. Meeqqat, inuusuttut aqutsisullu nunat issittormiut akunnerminni ataatsimut naapiffigisartagaat. Unammiuaarneq OL-ip aaqqissuunneqartarneranut eqqaanarsinnaavoq, Kalaallit Nunaanni Timersoqatigiit Kattuffianni siulittaasoq Carsten Olsen taama nalunaaruteqarpoq.