Berthelsen Uldumilu Krakip allattorsimaffianut ilanngunneqartut

Kraks Blå Bog, danskinik kalaallinillu politikkikkut, kuturikkut inuussutissarsiornikkullu nuimasunik allattorsimaffik, ukiumoortumik nutarterneqareerluni saqqummeqqammerpoq.
Allattoq Camilla Dam
maajip 28-at 2015 11:12

Ilanngunneqartullu nutaat tallimat nunatsinneersuupput.

Erinarsortartoq Julie Ivalo Berthelsen, qarlortartartoq Arnannguaq Gerstrøm Usisaat ApS-imi aamma pisortaasoq, taalliortorlu Jessie Kleemann allattorsimaffimmut ilanngunneqarsimapput. Arnat angutillu allattorsimaffimmi oqimaaqatigiissaarnerinut taakku qaffassaaqataapput, atuakkamimi tungujortumik taaneqartartumi siullerpaamik arnat 40 procentiulermata.

Aamma atuaruk Kalaallit Illutaanni pisortat Blå Bogimut ilanngunneqarput

Naalakkersuisut siulittaasuata tullersortaa, Andreas Uldum, aningaasaqarnermut aatsitassanullu aamma naalakkersuisuusoq, allattorsimaffimmut aamma ilannguneqarsimavoq. Taamatuttaarlu nipilersortartoq Ole Kristiansen.

Inuit katillugit 8.466-t Krakip atuagaani tungujortumi allattorneqarsimapput, taakkunannga 244-t nutaajullutik.

Aamma atuaruk Kalaallit arlallit nuimasut akornannut ilanngupput