Kalaallit arlallit nuimasut akornannut ilanngupput

Atuakkami inuit pilimasut nuimasulluunniit inuunerisa oqaluttuarisaanerannik ujarlerfiusinnaasumi, Kraks Blå Bogimi, kalaallit arlallit ilanngunneqarput.
Allattoq Aaqqissuisoqarfik / Redaktionen
maajip 27-at 2010 13:43

Kommuneqarfik Sermersuumi borgmesteri Asii Chemnitz Narup, Inatsisartut allattaat Ellen Kolby Chemnitz, aamma ingeniøri Kristian Lennert, atuakkami tassani ilanngunneqartunut ilaapput.

 

Kraks Blå Bog Danmarkimi kulturikkut pisariaqartinneqaleriartuinnarpoq, unalu saqqummersoq saqqummersut 101-issaraat - siulleq 1910-mi saqqummermat pilimasut nuimasullu oqaluttuassartaat 3.000-it allattorsimapput.

 

Ukioq-manna saqqummersumi 8.000-iupput. Maanna inuusut oqaluttuassartaat tassani kisimik allattorsimapput, toqukkut qimagussimasut oqaluttuassartaat Kraks Blå Bog Registerimi nassaarineqarsinnaallutik.

 

Inuit inuunertik naallugu Kraks Blå Bogimi siornatigut allassimasinnaagaluarput, pinartumilli arlaannik pisoqarsimappat maannakkut peerneqarsinnaanngorsimapput. Inuit allattugaatit ilaat pinerluuteqarsimagaluarpataluunniit atuakkamiiginnarsinnaanngorsimapput - tamanna siornatigut pisinnaasimanngikkaluartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq