Kalaallit Illutaanni pisortat Blå Bogimut ilanngunneqarput
Kalaallit Illuutaanni Københavnimiittumi pisortaq Leise Johnsen aamma Atlantikup Avannaamiut Illuutaanni Odensemiittumi pisortaq Kirsten Mærsk Danmarkimi Blå Bogimut ilanngunneqarput.
Blå Bog atuagaavoq naalagaaffeqatigiinni inuit arlaatigut immikkut malunnaateqarluarsimasut pillugit quppersagaq.
Savalimmiormiut marluk kalaallillu arfineq-marluk maanna quppersakkami atuarneqarsinnaalerput, naqiterivik Gads Forlag Blå Bogimik naqiterisartoq taama allappoq.
Kalaallit siornatigut ilanngunneqarsimasut tassaapput poliitikerit Aleqa Hammond aamma Kuupik Kleist, Issittumi Nunallit Unammiuaaqatigiinneranni pisortaq Maliina Abelsen, Nuna Mineralip pisortaa Ole Christiansen, isiginnaartitsisartoq Makka Kleist, nunarput pillugu ilisimatusartoq Kirsten Thisted aamma eqqumiitsuliortoq Julie Edel Hardenberg.
Quppersakkamut tassunga assingusoq Grønlands Grønne Bog Nunatsinni Namminersornerullutik Oqartussat Paasissutissiiviata siornatigut saqqummersittarsimagaluarpaa, 2001-illi kingorna nutaamik saqqummersitsisoqarsimanngilaq.
