Beirutimi eqqissiviilliortoqarnerani inuit 400-t missaat aqqunartitertut
Naalakkersuisunut akerliusut politiillu sakkortulluinnartumik aporaapput. Piffissamimi sivitsortumi eqqissiviilliortoqarnerani aatsaat taama sakkortutigisumik aporaattoqarpoq.
Illoqarfiup annersaani Beirutimi siullermik eqqissiviilliortoqarpoq. Akerliunerillu qaammatit pingasut matuma siorna aallartillutik. Nunami aningaasarsiornikkut ajornartorsiorneq eqqissiviilliortoqarneranut pissutaavoq.
Nunap inuinik illersuisut Røde Korsilu naapertorlugit aporaattoqarnerani inuit ikinnerpaamik 377-it napparsimmaviliaanneqarsimanngikkunik eqqissiviilliorfiusumi ikiorserneqarsimasut.
Akerliusut piumasaraat, Libanonimi politikerit tamarmik pissaaneqarunnaarsillugit peersinneqassasut. Akerliusummi isumaqarput, politikerit sunniutikippallaarlutillu peqquserluttuusut.
/ritzau/AFP
