Barack Obama Cubamut pisortatigoortumik tikeraassaaq
USA-p præsidentia Barack Obama Cubamut pisortatigoortumik sapaatip-akunnerit tulliuttut ingerlaneranni tikeraassaaq. Det Hvide Hus nutaarsiassaqartitsivimmut Bloomberg Newsimut taama nalunaaruteqarpoq.
Allattoq Ritzau
februaarip 18-at 2016 11:37
Cubap, kommunistiskiup, USA-llu, kapitalistiskiusup, akornanni pissutsit ukiuni qulikkaani amerlasuuni pitsaavallaarsimanngillat. Obamallu tikeraarnissaa oqaluttuarisaanermi pingaaruteqartussatut taamaammat isigineqarluni.
Havanamili aqutsisut Obamap præsidentiunerata nalaani attaveqarfigeqqinneqalerput, pissutsillu pitsanngornerulersimallutik, tassami nunat taakku marluk atorfilittatigut attaveqaqqilernikuupput. Cubap USA-llu akornanni attaveqaqatigiinneq 1961-imi kipitinneqarpoq.
Naalagaaffiit Peqatigiit New Yorkimi siorna septembarimi ataatsimeersuarmata Barack Obama Cuballu præsidentia Raùl Castro naapipput.
USA-p præsidentia Cuballu præsidentia USA-mi ukiut 60-it ingerlanerani siullerpaamik taamaasillutik naapipput.
/ritzau/
