BankNordik ukiup affaanut naatsorsuutimini angusarissaartoq
Ingerlatsinermi angusat tamarmiusut 94 millionit koruuniupput, angusallu akileraarutit ilanngaatiginnginnerini 112 millionit koruuniullutik.
Taakkunanngalu nunatsinni sullissineq akileraarutit ilanngaatiginnginnerini 13 millionit koruuninik angusaqarfiuvoq, 2016-imi piffissap taamaalinerani angusanit 3 millionit koruuninik amerlanerullutik.
- 2016-imi Kalaallit Nunaanni naatsorsuutivut aatsaat taamma angusarissaarfiutigisimapput, 2017-imilu aamma ukiup affaata siullianni pitsaasumik ingerlaffiuvoq. Naatsorsuutitigut angusarineqartoq ilimagisatsinnit pitsaanerusoq naammaginarluinnartutut isigaarput, BankNordikimi pisortaaneq Árni Ellefsen taama oqarpoq.
AAMMA ATUARUK BankNordik ukiup sisamarterutaani siullermi angusarissaartoq
Nunatsinni suliaqarfiup siuariartuinnarnissaanut periarfissaqarluartutut isigaa, sullissinerullu ingerlatiinnarnissaa pillugu erseqqisumik pilersaaruteqarnerarluni.
- Ukiuni aggersumi Kalaallit Nunaanni sullissinerup ineriartornerata malinnaaviginissaanut qilanaarpunga. Toqqammaviliarput patajaatsuuvoq aamma sullissatsinnut attaveqarluarpugut 2017-imilu taakku nukittorsaqqillugillu inerisaqqissavagut, Àrni Ellefsen oqarpoq.