BankNordik ukiup sisamarterutaani siullermi angusarissaartoq
BankNordikip 2017-imi ukiup sisamararterutaanut siullermut naatsorsuutaani tamanna atuarneqarsinnaavoq.
2017-imi ukiup sisamararterutaani siullermi akileraarutit sioqqullugit angusat 57 millionit koruuniupput, siorna 2016-imi piffissap taamaalinerani 25 millionit koruuniusut.
- Kalaallit Nunaanni immikkoortortaqarfik angusarissaarnermut pissutaaqataavoq, BankNordikimi pisortaaneq Árni Ellefsen taama erseqqissaavoq, Nunatsinnilu siuariartortoqaannarnissaa naatsorsuutiginerarlugu.
Ukiup sisamararterutaani siullermi angusat aningaaseriviup naammagisimaarluarpai, naatsorsuutigineqartut malillugit ingerlasoqarsimammat, tamatumunngalu peqatigitillugu aamma taarsigassarsisitsinermi appartitsinerit appasingaatsiarsimammata.
AAMMA ATUARUK BankNordik siuariartortuarsinnartoq
Jón Brekku BankNordikip Nunatsinni immikkoortortaqarfia ukiuni pingasuni siuttuuffigereerlugu Savalimmiunut uterniarluni aalajangersimavoq.
Thomas Tyt Mogensen BankNordikimi juunip aallaqqaataa aallarnerfigalugu inuussutissarsiornermut pisortatut atorfeqalissaaq.
Thomas Tyt Mogensenip Sulisitsisuni, GE-mi, siunnersortitut atorfeqarsimasup Nunatsinnilu inuussutissarsiornermik ilisimasaqarluartup, BankNordikip siuariartuinnarnissaa siuttuuffigissagaa, Árni Ellefsen isumalluarpalulluni tusagassiorfinnut nalunaarummi taama allappoq.
