BankNordik nakkutilliisoqarfimmit inassuteqarfigineqartoq
Finanstilsynet, Naalagaaffiup aningaaserivinnik nakkutilliisoqarfia nittartakkamini taama paasissutissiivoq.
Danmarkimi, Savalimmiuni Kalaallit Nunaannilu BankNordik aningaaseriveqarpoq. Aningaaserivik Savalimmiuni aamma sillimmasiisarfimmik ingerlataqarpoq.
Aningaaseriviup suliassaasa ilusilersornerani eqqarsaatigineqarsimanngilaq aamma allatigut nioqquteqassasoq, nakkutilliisoqarfik aggustusimi septembarimilu ukioq manna taama naliliivoq.
Taamaattumik aningaaseriviup suliassaasa ilusilersorneri maanna naleqqussarneqassapput. Aningaaseriviup piginneqataaffigisai allat pillugit siulersuisut pitsaanerusumik ilisimatinneqartassasut nakkutilliisoqarfik nalunaaruteqarpoq.
AAMMA ATUARUK BankNordik ukiup affaanut naatsorsuutimini angusarissaartoq
BankNordikip iliuusissaanni pingaarnerpaavoq privatinik sullississalluni, taamaaliornissaminullu aningaasaateqarluarpoq, aamma Savalimmiuni Nunatsinnilu.
Kisianni aningaaserivik inassuteqarfigineqarpoq illutiminik katillugit 16,7 millioner koruunit naliginut nalikillisissaassasoq, Danmarkimi Kalaallit Nunaannilu tuniniaavimminik killiliilluni. Aningaaserivik ilaatigut piumaffigineqarpoq aningaasat attartortitassani killiliivigissagai.
Taakku saniatigut BankNordikip tekniki atorlugu paasissutissiisarnermini ullumimut naleqqiullugu annerusumik isumannaallisaassasoq Finanstilsynet nittartakkamini taama allaaserisaqarpoq.
AAMMA ATUARUK Bank Nordik ilinniartunut legatimik nutaamik pilersitsivoq
