Niuernermik Ilinniarfimmi bacheloritut ilinniarfiit pillugit misissuineq naammassisoq
Niuernermik ilinniarfimmi bacheloritut ingerlatassatut pilersaarutaasut marluk taamaatiinnarneqarnerannut atatillugu naalakkersuisut misissuinerat naammassivoq.
Ilinniartitaanermut naalakkersuisoq Karl Frederik Danielsen, §37 naapertorlugu apeqquteqaammut taama akissuteqarpoq.
Bacheloritut ingerlatassatut pilersaarutaasut marluk aallartinnissaannut sapaatip-akunnera ataasiinnanngortorlu siorna taamaatiinnarneqarput.
AAMMA ATUARUK Ilinniartut aqqaneq marluk pakatsingaatsiartut: Ilinniarfissaat nutaat taamaatiinnarneqartut
Ilinniartunngorniat aqqaneq-marluk ilinniarnerminnik aallartitsisinnaannginnerannut akisussaaffik kikkunnut tutsinneqassanersoq kingorna piumasarineqalerpoq.
Naalakkersuisut Niuernermilluunniit Ilinniarfik akisussaaffik taamanikkut tigorusunngilaat.
Misissuineq maanna naammassivoq, misissuinerullu sapaatip-akunnera 32-mi suliarineqarnissaa pilersaarutaasoq, Karl Frederik Danielsenip akissuteqaataani takuneqarsinnaavoq.
AAMMA ATUARUK Politikerit ilinniakkat taamaatiinnarneqartut pillugit akisussaasuliiniartut
- Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaq paasissutissinneqarumaarpoq misissuisimaneq pillugu Naalakkersuisunit sammineqareerniariarpat, Karl Frederik Danielsen oqarpoq.00:01:30
Eqqartuussissuserisoq Ole Spiermann, Bruun & Hejejle Advokatpartnerselskabilu misissuisuupput.