Avisi: Kim Kielsen Siumumi siulittaasutut ingerlaannarusuppoq
Siumumut naalakkersuisunullu siulittaasoq, Kim Kielsen, partiimini siulittasunngornissamut sassaqqippoq.
Aviisimut Sermitsiamut taama oqartoq Sermitsiaq.ag allappoq.
- Nunarput annertoorujussuarmik ineriartorpoq, piffissamullu nutaamut aaqqissuussaanerup allannguuteqarneranik nassataqartussaq ingerlaleruttorpoq, suliat annertuut siuttuuffigisakka ataqatigiissumik naammassineqartariaqarput, taamaammat siulittaasutut sassaqqippunga, Kielsen aviisimut oqarpoq.
Kim Kielsen sassaqqissanersoq taamaaliussannginnersorluunniit qaammatini arlalinni nalunarpoq, maannali sassaqqissasoq uppernarsivinneqarparsippoq.
Taassuma parteeqatai marluk, Erik Jensen aamma Inatsisartut siulittaasuat Vivian Motzfeldt, siulittasunngorniuunnissamut sassarniarlutik nalunaareernikuupput.
AAMMA ATUARUK Siumumi siulittaasumik qinersineq qarasaasiatigut ingerlanneqassasoq
Siumumi siulittaasunngortussaq partiip atatsimeersuarnerani, juulip qulingani pisussami, qinerneqassaaq.
Siumup ataatsimeersuarnissaata juulip ulluisa arfineq-pingajuanit qulingata tungaanut sivisussuseqarnissaa pilersaarutigineqaraluarpoq, partiilli siulersuisuunerisa maajimi aalajangerpaat ulluni pingasuni ataatsimeersuartoqarani ullormi ataatsimi ataatsimeersuartoqassasoq.
