Aviisi: Qaasuitsup Kommunia januaarip aallaqqaataani 2018-imi avinneqassaaq
Naalakkersuisut kommunip avinneqarnissaanik inatsisissatut siunnersuut ilaatigut kommuninut ullumikkut sisamaasunut maanna tusarniaassutigaat aviisi allappoq.
Aviisi naapertorlugu, kommunit aappaniissapput illoqarfiit Kangaatsiaq, Aasiaat, Qeqertarsuaq aamma Qasigiannguit, aappaanilu Ilulissat, Uummannaq, Upernavik aamma Qaanaaq.
Kommunip taamatut avinneqarnissaanik siunnersuuteqarneq Qaasuitsup Kommuniani kommunalbestyrelsip Naalakkersuisut siorna juunip qaammataata naalernerani siunnersuutigisaanut naapertuuppoq.
Kommunip avinneqarnissaa akisussasoq kukkunersiuinermik siunnersuinermillu suliffeqarfiup BDO-p nalunaarusiaani siornatigut naqissuserneqarpoq.
Aviisi Sermitsiaq naapertorlugu, Naalakkersuisut inatsisissatut siunnersuutaanni maanna tusarniaassutigineqartumi, kommuni avinneqassappat tamatumunnga aningaasartuutaasut Qaasuitsup Kommuniata nammineerluni akilissagai siunnersuutigineqarpoq.
