Aviisi: Kinap præsidentiata Putin ataatsimeeqatigilersaaraa
Kinap præsidentiata, Xi Jinpingip, Ukrainemi eqqisseqatigiittoqarsinnaanissaanik aqqutissiuinissi siunertarigaa, USA-mi aviisit ilaat Wall Street Journal allappoq.
Ukrainemi eqqisseqatigiittoqarsinnaanissaa pillugu illuatungeriit naapeqatigiissinnaanissaat tassani neriuutaasoq, aviisip The Wall Street
Journalip allaaserisaani atuarneqarsinnaavoq.
Allattoq Ritzau
februaarip 22-at 2023 10:57
Nutserisoq Mads Lynge
Kinap præsidentiata Xi Jinpingip qaammatit tulliuttut ingerlaneranni Ruslandiliarnissani pilersaarutigaa, Ruslandillu præsidentia Vladimir Putin tassani ataasimeeqatigissallugu.
USA-mi aviisit ilaat The Wall Street Journal tusarfiit aallaavigalugit taama allaaserisaqarpoq.
Ukrainemi eqqisseqatigiittoqarsinnaanissaa pillugu illuatungeriit naapeqatigiissinnaanissaat tassani neriuutaasoq, aviisip The Wall Street
Journalip allaaserisaani atuarneqarsinnaavoq.
Ukrainemi aaqqiagiinngittoqarnera Kinamit ernummatigineqaqisoq, Kinap nunanut allanut tunngasunut ministeriata Qin Gangip Beijinimi oqalugiarnermini ilaatigut oqaatigaa, Ukrainep sorsunnerup sakkortuseriaannarnissaa ernummatigineqarluni.
