Aviisi: Kinap præsidentiata Putin ataatsimeeqatigilersaaraa
![](/sites/default/files/styles/image_934x467/public/2023-02/20230113-164715-4-2692x1777ma.jpg?itok=u75kXkCb)
Kinap præsidentiata Xi Jinpingip qaammatit tulliuttut ingerlaneranni Ruslandiliarnissani pilersaarutigaa, Ruslandillu præsidentia Vladimir Putin tassani ataasimeeqatigissallugu.
USA-mi aviisit ilaat The Wall Street Journal tusarfiit aallaavigalugit taama allaaserisaqarpoq.
Ukrainemi eqqisseqatigiittoqarsinnaanissaa pillugu illuatungeriit naapeqatigiissinnaanissaat tassani neriuutaasoq, aviisip The Wall Street
Journalip allaaserisaani atuarneqarsinnaavoq.
Ukrainemi aaqqiagiinngittoqarnera Kinamit ernummatigineqaqisoq, Kinap nunanut allanut tunngasunut ministeriata Qin Gangip Beijinimi oqalugiarnermini ilaatigut oqaatigaa, Ukrainep sorsunnerup sakkortuseriaannarnissaa ernummatigineqarluni.