Avataarsuani suussusersineqanngitsoq Canadap nalaaniittoq aallaaneqarluni nakkartinneqarpoq
Avataarsuani suuneranik suli ilisimaneqanngitsoq Canadap avannaata nalaaniittoq aallaneqarluni nakkartinneqarpoq.
Canadami ministeriuneq Justin Trudeau attaveqatigiittarfimmi Twitterimi arfininngornermi taama allappoq.
Ministeriuneq Twitterikkut allatamini oqaluttuarpoq, amerikamiut præsidentiannik Joe Bidenimik oqaloqateqarsimalluni, avataarsuanilu aallaaneqarluni nakkartinneqartup sinneri Canadami sakkutuunit misissuiffigineqassasoq, Trudeua oqarpqo.
Avataarsuaniittoq suli suussusersineqanngitsoq Canadap avannaata kippasinnerusortaata naalagaaffiup Yukonip Canadap Alaskallu killeqarfiata nalaniittoq aallaaneqarluni nakkartinneqarpoq.
Avataarsuani suussuserneqanngitsut arlaqartut
Avataasuani suli suuneranik ilisimaneqanngitsoq Alaskap eqqaata nalaaniittoq amerikamiut timmisartuanit malersuummit tallimanngornermi aallaaneqarluni nakkartinneqarpoq.
Nakkartinneqartup suunera aamma kikkunnit pigineqarnera suli paasinarsinngilaq.
Amerikamiut illersornissaqarfianit Pentagonimit nalunaarutigineqarpoq, avataarsuanit nakkartinneqartoq biilitut mikisutut angissuseqarpoq taannalu avataarsuani 12 kilomerisut qutsitsigisumi ingerlaartoq nakkartinneqarsimasoq.
Kinamiut qullartaasiaat amerikap avataarsuatigoortoq jannuaarimi takuneqarpoq.
Qullartaasiaq Amerikamiut Canadamiullu silaannartaatigut sapaatit akunnera ataaseq ingerlaarpoq amerikamiullu præsidentiata Joe Bidep peqqusineratigut januarip ulluisa sisamaanni aallaaneqarluni nakkartinneqarpoq.
Qullartaasiaq kilitsissiatut alapernaarsuutitut Kinamit atorneqartoq, amerikamiut illersornissaqarfiat isumaqarpoq. Qullartaasiaq silasiornermut atorneqartoq ingerlaarfigisartakkaminit anorimit allamut ingerlaalersimanerarlugu Kinamiut oqarput,