Inuusuttut marluk qamuteralannik ajutoortut: Politiit najukkami ikiuuttunut qujassuteqartut

Qeqertarsuarmi nukappissat marluk Kalaallit Nunaanni Politiit ’qamuteralannik ilungersunartumik ajutoornertut’ taasaannik ajutoorput.

Kalaallit Nunaanni Politiit tusagassiuutinut nalunaarummi paasissutissiipput.

Politiit nukappissat 15-inik aamma 16-inik ukiullit tammaaneqarnerannik sapaammi nalunaaqutaq 22.40 nalunaarfigineqarput.

Nukappissat Uunartuarsuup qaqqaani qamuteralattut nalunaaqutaq ualikkut tallimat eqqaanni kingullermik takuneqarsimapput.

Innuttaasut nukappissanik ataatsimoorlutik unnukkut ujaasipput, nukappissallu ajutoorsimasut nalunaaqutaq 23.45 siumorneqarput.

Nukappissat inuunerminnik suli navianartorsiorput, taakkulu Air Greenlandip SAR-imi qulimiguuannut ilaatillugit Nuummut Dronning Ingridip Napparsimmavissuanukaanneqarput.

Nukappissanut qanigisaasut kalerrinneqarput, politiillu ajutoorfiusumi sukumiinerusumik misissuileruttorlutik.

Sillimasut pisortaat, Karsten Højrup Kristensen tamatuma saniatigut innuttaasunut annaassiniarnermi ikiuuttunut qujassuteqarpoq.