Avannaata Kommuniani nunaqarfiit illoqarfiillu arsanik tunissuteqarfigineqartut
![](/sites/default/files/styles/image_934x467/public/2024-08/Bolde%20i%20Avannaata.jpg?h=c31da6f1&itok=7Qhbmlfp)
Arsat 1000-t. Tassa Avannaata Kommuniani meeqqanut inuusuttunullu arsaannermik nuannarisalinnut tunissutiginiarneqartut.
Arsat pineqartut Otto Motzfeldtimit tunissutiginiarneqarput, taannalu nammineq Ilulissiassaaq arsat arsaattarfimmi pisussatut aaqqissuussami tunissutigissallugit.
Arsat 1000-t kommunimi illoqarfinnut nunaqarfinnullu kingorna taava agguaanneqassapput.
- Arsap ataatsip meeqqat inuusuttuaqqallu nalunaaquttap akunnerpassuani nuannisartissinnaavai. Taamatullu qiimmattartitsiniarneq tassaavoq tunissutigerusutara, arsanik tunissuteqartoq Otto Motzfeldt, Avannaata Kommuniata tusagassiorfinnut nalunaarutaani oqarpoq.
Otto Motzfeldt Qaqortumi inunngorpoq, aqqanilinnillu ukioqarluni Danmarkimut nuulluni. Ukiut 40-t sinnerlugit arsaattarsimavoq, Danmarkimi Italiamilu klubbini assigiinngitsuni arsaattarsimalluni.Arsaattarnerup nuannersuunera oqaluttuaraa:
- Arsaq pinnguassatsialaavoq, ikinngutigiinnermik nukinnillu pilersitsisartoq. Ukiorpassuarni nammineq arsartarsimavunga, Qallunaat Nunaanni, aammali Italiami, arsamik unammineq nuannersuujuaannarpoq, Otto Motzfeldt oqaluttuarpoq.
Otto Motzfeldtip arsanik 1000-nik tunissuteqarnera Avannaata Kommuniata borgmesteriata Palle Jerimiassenip nuannaarutigeqaa:
- Kommunimi aalarusuppugut. Taamaattumik nuannaarutigivara arsat amerlanerpaanut agguaanneqarnerat. Tunissummut angisuumut qujarusuppugut, qularutiginngilaralu nalunaaquttap akunnerpaassuini arsaannermut atorluarneqarumaartut ikinngutigiilersitsiumaartullu, Palle Jerimiassen oqarpoq.
Otto Motzfeldt ukiut tamaasa ullorsiusiortarpoq ajunngitsuliornissi siunertaralugu. Ullorsiutinit sinneqartoorutit arsanik pisissutigisarpai
Iluliarmiut arsaattarfimmut ataasinngornermi ullaap tungaani ulloqeqqanut qiteqqunnerani tikilluaqqusaapput, arsat 1000-t tassani tunissutigineqassallutik.