Australiami 2019-imi aatsaat taama kiatsigaaq

Australiami ukioq 2019 ataatsimut isigalugu Australiap oqaluttuarisaanerani aatsaat taama kiatsigaaq.

Australiami silasiortut aviisimut The Guardianimut ullumi taama ilisimatitsipput.

Pingasunngornermi decembarip ulluisa 18-ianni nunami tassani aatsaat taama kiatsigaaq, Australiami nuna tamakkerlugu agguaqatigiissillugu 41,9 gradinik kiappoq.

AAMMA ATUARUK Australiami inuit tuusintilikkaat qimagussorneqartut

Australiap kangimut kujasissortaani takornariat tuusintilikkaat qimagussorneqarput.

Illoqarfik akunnerit 48-t ingerlaneranni qimanneqarsimassaaq

Australiap illoqarfiisa pingaarnersaannit Canberramit kangimut Batesman Bayimi takornariat, orpippassuit ikuallannerat pissutaalluni akunnerit 48-t tulliuttut ingerlaneranni qimagussimanissaat naalakkiutigineqarpoq.

Batesman Bayip saniatigut Jervis Bayimi takornariat innuttaasullu qimagussorneqarnissaat peqqussutigineqarpoq. Jervis Bay, takornarianit ornigarneqarluartuuvoq, Sydneymiillu kujammut ungasinngitsumi inissisimalluni.

AAMMA ATUARUK Australiami ikuallattoqarnerani ajunaartut pingasunik ilapput

Tamaani takornariat arfininngorpaatinnagu qimagussimassapput, Jervis Bayimmi nalaani 40 gradit sinnerlugit kiatsiginissaa, anorlingaatsiarnissaalu ilimasaarutigineqarpoq.

Inuit arfineq-marluk ataasinngornermi ajunaarput, illullu 1000-init amerlanerusut ikuallassimallutik.
Australiami nunap ikuallaffiusup annnertussusaa 5,5 millionit hektariuvoq, tassa nuna Danmarkimit annertunerusoq.