Australiami inuit tuusintilikkaat qimagussorneqartut
![](/sites/default/files/styles/image_934x467/public/article_images/20191230-130052-l-1920x1179we_1.jpg?itok=He-SJ3ol)
Tamaani 40 gradit sinnerlugit kiappoq anorlerlunilu. Victoriami orpippassuit ikuallapput, ikuallannerillu siaruaatilertornissaa aarleqqutigineqarluni.
Illoqarfissuup Melbournep ungasinngisaani East Gippslandimi takornariat 30.000-it missaat oqartussanit qimagussorneqarput. East Gippsland Belgiatut angitigingajappoq.
AAMMA ATUARUK Australiamiut aatsaat taama kiatsigisoq marlunngormat nalaakkaat
East Gippslandimi ikuallanneq ima angitigilersimatigaaq silap pissusianut sunniuteqalerluni, kallilersimalluni, ikuallannerillu tamanna pillugu siaruaakkaluttuinnarlutik.
- Nunap immikkoortua nalunaaqutaq qulingilanut qimanneqarsimanngippat ajornerusumik pisoqarsinnaanissaa ernummatigineqarsinnaavoq, East Gippslandimi upalungaarsimatitat oqarput.
Inuppassuit qimagutitinneqareerput, takornarialli takornarialerisullu tuusintilikkaat suli tamaaniillutik.