Australiami inuit tuusintilikkaat qimagussorneqartut

Australiami nunap immikkoortuani Victoriami innuttaasut takornariallu tuusintilikkaat, ikuallattoortoqarsinnaanissaa ernummatigineqarmat qimagussorneqartut, nutaarsiassaqartitsiviup Reutersip allaaseraa.
East Gippslandimi ikuallanneq ima angitigilersimatigaaq silap pissusianut sunniuteqalerluni, kallilersimalluni, ikuallannerillu tamanna pillugu siaruaakkaluttuinnarlutik. Assi © : William West/AFP/Ritzau Scanpix
Allattoq Ritzau
decembarip 30-at 2019 09:13
Nutserisoq Mads Lynge

Tamaani 40 gradit sinnerlugit kiappoq anorlerlunilu. Victoriami orpippassuit ikuallapput, ikuallannerillu siaruaatilertornissaa aarleqqutigineqarluni.

Illoqarfissuup Melbournep ungasinngisaani East Gippslandimi takornariat 30.000-it missaat oqartussanit qimagussorneqarput. East Gippsland Belgiatut angitigingajappoq.

AAMMA ATUARUK Australiamiut aatsaat taama kiatsigisoq marlunngormat nalaakkaat

East Gippslandimi ikuallanneq ima angitigilersimatigaaq silap pissusianut sunniuteqalerluni, kallilersimalluni, ikuallannerillu tamanna pillugu siaruaakkaluttuinnarlutik.

- Nunap immikkoortua nalunaaqutaq qulingilanut qimanneqarsimanngippat ajornerusumik pisoqarsinnaanissaa ernummatigineqarsinnaavoq, East Gippslandimi upalungaarsimatitat oqarput.

Inuppassuit qimagutitinneqareerput, takornarialli takornarialerisullu tuusintilikkaat suli tamaaniillutik.

Aamma atuaruk