Australiamiut aatsaat taama kiatsigisoq marlunngormat nalaakkaat
Australiami aatsaat taama kiatsigisimavoq. Marlunngornermi kiassutsip uuttortarneqarnerani agguaqatigiissillugu 40,9-nik kiappoq.
![](/sites/default/files/styles/image_934x467/public/article_images/old_and_new_parliament_houses_canberra_australia.jpg?itok=FHkmQM8b)
Ulluni tulliuttuni silaannaap ingerlaarnerani suli kianneruleriartussasoq naatsorsuutigineqarpoq.
Allattoq Ritzau
Australiami silasiorfik ullumi taama nalunaaruteqarpoq.
Australiami siusinnerusukkut kiannerpaaffia 40,3 nik uuttortarneqarpoq tamannalu januarip ulluisa arfineq aappaanni 2013-mi pivoq.
Kiannerpaaffiup marlunngornermi uttortarneqartup tassuugu qaangerneqarnissaa natsorsuutigineqarpoq, Australiami nutaarsiassaqartitsivik ABC News taama allaaseriaqarpoq.
Ulluni tulliuttuni silaannaap ingerlaarnerani suli kianneruleriartussasoq naatsorsuutigineqarpoq.
Australiami naalagaaffimmi South Australiami illoqarfimmi avinngarusimasumi inissisimasumi Oodnattami sisamanngorpat aamma tallimanngorpat 47-nik kiassanngatinneqarpoq, arfiningornermilu 45 gradinut appalaassangatinneqarluni.