Atuffassissut Martha atuartitsinermut nukittorsaataassaaq
Martha siorna saqqummiunneqarpoq ilaatigullu atuartitsissutinik nittartakkanillu atuffassissutitut atorneqarsinnaalluni.
Sisimiuni, Nuummi Ilulissanilu ilinniartitsisut, perorsaasut ilinniagaqartullu sapaatit-akunnerini kingullerni ilinniartinneqaqqammerput, Synscenter Refsnæsimeersullu aamma Sensusimeersut ilinniartitsisuupput.
Synscenter Refsnæs Danmarkimi meeqqanut tappiitsunut isigiarsuttunullu nuna tamakkerlugu sullissiviuvoq.
Nuummi Piareersarfimmi ilinniartitsisut atuartullu atuffassissutip Marthap qanoq atornissaanik ullumi pingasunngornermi ullaap tungaani workshoppertinneqassapput.
Atuffassissut suliniutip 2013-imit 2016-imut ingerlanneqartup inerneraa, aningaasaateqarfimmiillu VELUX Fondenemit aningaasalersugaalluni.
Atuffassissut Martha uani misiliguk.