Atuartup ipad atornerorusuppaa
Else Skovgaardip 15-nik ukiullip ilinniartitsisut atortorissaarutip atuartitsinerup iluani atorluartalernissaat ujartorpaa, qarasaasiallu angallattagaq atuartitsinerni iluaqutaanerarpaa. Pitsanngoraluarput, kisianni ipadi uggornartumik atorpiarneq ajorparput:
- Immaqa ilinniartitsisut suli naluaat qanoq Ipadi atorsinnaaneripput, Else Skovgaard oqarpoq, ilinniartitsisulli pikkoriffiginerulissagaat isumaqarluni.
Aallartinneq unamminartoq
Atuartut qarasaasiaminnik pisannaqqaarmata unamminarsimasoq Nivi Heilmann Efraimsenip oqaatigaa, ipadit atuarnerinarmut kisimi atorneqarsinnaannginneri tikkuarlugu.
- Suu, unamminartorujussuuvoq, pissutigalugu atuartitsineq ipad kisiat atorlugu ingerlanneqarsinnaannginnami sakkussaagami, Nivi Heilmann Efraimsen oqarpoq.
Taassuma aamma oqaluttuaraa aqunniarneri pitsanngortut atuartut ipaditik atuinnaleraangatigit kinguneqartitsisarnikkut aaqqiisimallutik.
Eqqaamallaqqinnissaq pingaarutilik
Else Skovgaardimullu qarasaasiaaraq pisaarisani nuannareqaa sorpassuarnik imaqarsinnaammat, aamma atuarnermut tunngasuinnaanngitsunik:
- Unamminalaarsinnaavoq imarisaa tamaat atorlugu. Misilereernikuugakku ipadiga ulikkaartoorlugu, assiutikka appsimmalu ilai nungusartariaqarlugit. Atuarfik oqarnikuugami 2 GB-mik inissaqartassasoq, ulikkaartoorluni ajuusappoq, Else Skovgaard oqarpoq
Angajoqqaanut ikiusuuvoq
Atuartuinnaanngitsulli ipadit iluaqutigaat, angajooqqaat aamma ikiorneqarput.
- Angajoqqaaq imaluunniit ilinniartitsisoq imminut immiuteriarluni nalunaarutissani nalunaarutigeriarlugu, atuartoq aqqutigalugu angerlarsimaffimmut immaqaluunniit atuarfimmut nalunaarutissaq nalunaarutigineqartarpoq, Minngortunnguup atuarfiani pisortaq Nivi Heilmann Efraimsen oqarpoq.
