Meeqqanut atuagaq nutaaq pattagiartalik
Meeqqat minnerit pattagiarnermik ilinniarsinnaanngorput.
Atuagaq nutaaq kalaallisut erinarsuutinik qulinik imalik “Nipilersorta!” Milik Publishingimiit sisamanngornermi saqqummerpoq. Atuagarli atuagaannaanngilaq.
Atuagarmi meeqqanut tulluartumik pattagiaarartaqarpoq. Erinarsuutit ilisarnartut soorlu “Anaana kaakkama”, “Bamsi sinippoq” aamma “Kulloq illit” erinarsuutit quliusut akornanniipput.
Pattagiaaraq meeqqanut atoruminarsagaavoq. Erinarsuutimmi paasiuminartunik qalipaatit kisitsisillu atorlugit nuutitalersorneqarsimapput.
Atuakkap Katuami sisamanngornermi saqqummersinneqarnerani meeqqat Nuummi meeqqerivinneersut immikkut qaaqquneqarput, soqutiginnittulli tamarmik tikilluaqqusaallutik, Milik publishingimeersoq Lene Therkelsen ilisimatitsivoq.
Atuagaq “Nipilersorta!” Naja Rosing-Asvidimit isumassarsiarineqarpoq.