Atoqatigiinnermik ilisimasallik Atoqatigiilluartoqarsinnaavoq eqqarsarluartariaqarporli
Taassuma kaammattuugaa, assit nassiunneqartinnagit kingunerisinnaasai eqqarsaatigilluarneqartariaqartut.
Atoqatigiinnermik misilittaasoqarluarsinnaavoq tatigisamik aappaqarluni atoqateqartaraanni.
Kisianni tatigalugu atoqatigisartagaq eqqunngitsuliorsinnaavoq, tamatarani assilisanik tamanut nassiussisinnaavoq nittartakkanullu atoqatigiittunut ilineqarlutik takusassiarineqarlutik.
AAMMA ATUARUK Arnat kalaallit pornomik nittartakkami saqqummersinneqartut
- Ajornartorsiutaanngilaq atoqatigiilluni assinik nassiussineq, ajornartorsiutaavorli atoqatigiit imaluunniit aappariit akornanni isumaqatigiissut, tassalu allanut takutinnginnissaannut nittarsaanneqannginnissaannulluunniit isumaqatigiissut eqquutitinneqanngikkaangat, Atoqatigiinnermik ilisimasalik Ulrikka Holm oqarpoq.
Taassuma oqaluttuaraa arnat tamataratik assitik qarasaasiani takussaaleraangata namminneq
pisuusutut misigisimasartut. Taamaattumillu isumaqatigiittoqartariaqartoq assit nammineq pigisassaammata allanullu takutitassaanngimmata.
AAMMA ATUARUK angutip-nalusama-tamataqanngitsunga-assiutingaanga
- Isumaqatigiissutigineqartoq eqquutinneqanngippat assinik siaruarterisoq pisuusutut uanga isigissavara.
Assit qarasaasianiileraangamik peerneqarnissaat ajornakusoortorujussuusarpoq.
Taamaattumik kaammattuutigaa tamatarani assit nassiutinnginnerini eqqarsarluartoqartariaqartoq
kingunerisinnaasai pillugit.
AAMMA ATUARUK tamataqanngitsunik-assinik-nassiussinissat-politiit-mianersoqqussitigaat
- Kingunipiloqarsinnaavoq, imminut isiginnittariaaseq innarlerneqarsinnaavoq, inuit allat qanoq eqqarsaateqarnersut isumakuluutigineqalersinnaavoq inuunerilerlugulu aamma imminnut nikagilersinnaapput imminnullu naammagiunnaarlutik. Atoqatigiinnermik ilisimasalik Ulrikka Holm taama oqarpoq.
Tamatarani assilineqartoq filmeliarineqartorluunniit akuersiteqqaarnagu siammarterisut
eqqartuussissutigut malersorneqarsinnaapput.