Tamataqanngitsunik assinik nassiussinissat Politiit mianersoqqussitigaat

Aappariit qimassinnaasarput, assilli peeruminaannerupput. Assillu filmilialluunniit tiinganiarnermut tunngasut ilaasa ingerlateqqittarpaat, sapaatillu akunnerata ingerlanerani Nuummi inuit marluk tamanna uppernarsivaat.
Allattoq Camilla Dam
decembarip 08-at 2015 13:31
Nutserisoq Tikaajaat Kristensen

Nuummi Politiit sapaatip akunnerata ingerlanerani nalunaarutinik marlunnik, assinik filmilianilluunniit tiinganiarnermut tunngasunik, tigusaqarput. Illuatungeriit akunnerminni aappaa assinik filmilianilluunniit nittartakkatigut inuit naapittarfiatigut ingerlatitseqqiisimatillugu.

- Taamaattumik Politiit inunnut kaammattuutigerusuppaat, assinik filminilluunniit tiinganiarnermut imminermut tunngasunik allanut ingerlatitseqqiitinnatik eqqarsarluaqqaartassasut, Kalaallit Nunaanni Politiini pinerluttulerinermi pinaveersaatitsinermi ataqatigiissaarisoq, Britta Nielsen Johansen nalunaarpoq.

Akuersissummik peqaqqaartigani assinik filmilianilluunniit tiinganiarnermut tunngasunik siammarterineq pinerluttulerinermik inatsimmi § 84-imik – kannguttaalliorfiginninneq, aammalu pinerluttulerinermik inatsimmi § 85-imik - Pornografiit meeqqanut tunngasut, inuk assimiittoq 18-nit inorlugit ukioqarsimappat, unioqqutitsinerusinnaasoq Politiit erseqqissarpaat.

- Taamaasillunilu inuk assinik filmilianilluunniit siammarterisimasoq allatigulluunniit agguaasimasoq eqqartuussivikkut malersorneqarsinnaavoq, Politiit nalunaarput. 

Assit filmilialluunniit tiinganermut tunngasut nittartakkanut ilineqareersimappata peeruminaatsorujussuupput, nittartakkatigut ingerlatitseqqiineq toqqorsinerlu sukkasoorujussuarmik ingerlasinnaasarmata.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk