Atomimik nukiliorfik misissorneqartussanngortoq: Ajunaarnersuaqangajakkaluarpoq

Ukrainemi atomi atorlugu nukissiorfiup Zaporizjzjap eqqaani sapatit akunnerata naanerani arlaleriarluni qaartoortumeerisoqareersorlu nukissiorfik taanna misissorneqartussanngorpoq.

Naalagaaffiit Peqatigiit (FN) atomip nukinganik atuinermik nakkutilliissitaat, IAEA, taama paasissutissiipput.

Arfininngornermi unnukkut arfininngulersoq arlaleriarluni qaartitsisoqarsimasoq, IAEA tusagassiuutinut nalunaarpoq.

Sapaammi ullup qeqqata siorna qulingiluat qaangerlugu tanneq pingasunnogortoq aallartittumik minutsit 40-t ingerlaneranni aqqaneq marloriarluni qaartitsisoqarpoq.

- Ilungersunarsinnaasorujussuarmik atomimik ajunaarnersuaqarsinnaaneranik pisoqanngimmat iluatitseqqippugut. Immaqa tulliani taama iluatsitsitiginavianngilagut. IAEA-p qullersaa Rafael Grossi oqarpoq.

AAMMA ATUARUK Ruslandip Ukrainemi nukissiuuteqarfiit ilaat saassukkai

Ukrainemi sorsunnerup nalaani atom atorlugu nukissiorfiup eqqaani arlaleriarluni qaartartumeerisoqarpoq, atomi atorlugu nukissiorfik Ukrainemiittoq Europami anginersaavoq.

Atom atorlugu nukissiorfiup eqqaani qaartartumeerinerit kikkunit piliarineqarnersut, IAEA-mit oqaatigineqanngilaq, nakkutiiliisuutitaniillu nalunaarutigineqartoq naapertorlugu ulorianartorsiortoqanngilaq, taamaattorli nakkutilliisuutitat pisortaat ernumasorujussuuvoq.

Atom pillugu isumanaallisaanermut toqqaannartumik sunniuteqanngikkaluartoq qaartartumeerininerit nukissiorfimmut qanittuararsuunerat ernumalersitsivoq.