Athenip borgmesteriata orpiit 25.000-t ikkunneqarnissaat siunniukkaa

Aasakkut 40-t gradit sinnnerlugit kiarujussuartarnera pissutaalluni Grækenlandimi illoqarfiit pingaarnersaat Athen sulinngiffeqarnermi tikeraassallugu ilaatigut ipianngunarsinnaassaaq.

Athenip borgmesteriata tamanna iliuuseqarfiginialerpaa.

Orpiimmi 25.000-t ukiuni tallimani tulliuttuni ikkunneqarnissaat taassuma siunniuppaa, Grækenlandip illoqarfiisa pingaarnersaata aasaanerani kiarujussuartarunnaarnissaa neriuutigalugu.

Taanna nutaarsiassaqartitsivimmut AFP-mut taama oqarpoq.

- Kiarujussuartarnera, mingutsitsineq, qorsooqqippallaannginneralu ilaatigut pissutaallutik Athenip qiterpasissua aasaanerani ipianngunarsinnaasarpoq, Athenip borgmesteria Haris Doukas oqarpoq.

Borgmesterip, nukissiuuteqarnermut tunngasuni siornatigut professoriusimasup, mingutsitsinerup minnerpaaffimminiitsinneqarnissaa, kiarujussuartarnera Athenimilu aqqusinnikkut angallannermi siunissaq eqqarsaatigalugu ineriartortitsinissamik suliassaqangaatsiarpoq.

Athenip aqquserngini naatsiiviliarsuarnilu parkinilu alanngiffissarsisoqarsinnaanissaa pillugu orpinnik 5000-nik ukiumut ikkussisoqartarnissaa siulliullugu isumaginiarpaa.