Athenimi nuna sajuttoq
![](/sites/default/files/styles/image_934x467/public/athen_gaekenland_weekend_wayfarers_flickr.jpg?itok=L7xsBu6R)
Nunap sajunnera illoqarfiit pingaarnersaanni malugineqarsinnaavoq, inuillu illunit aniallutik illoqarfimmi aqqusinernut qimarrapput.
Nunap sajunneranit inunnik illunilluunniit ajoqusertoqarsimaneranik nalunaartoqanngilaq.
Nunap sajunnera pissutigalugu sumiiffinni assigiinngitsuni innaallagissamut attaveeruttoortoqarpoq qatserisartullu nalunaarutigaat assigiinngitsuni elevatorimit aninaveertoqartoq.
Grækerit Nunaanni nunap sajuttarnera qaqutigoortuunngitsoq, nutaarsiassaqartitsivik AFP allaaserisaqarpoq. Nunalli sajunnerata aserorterisarnera qaqutigoortuuvoq.
Athenimi ukiut 20-t matuma siorna tassa 1999-imi 5,9-mik sakkortussuseqartumik nuna sajummat inuit 143-it ajunaarput, AFP allappoq.