Atassutip siulittaasorisaa toqukkut qimaguppoq
Atassutip siulittaasorisimasaa, Gerhardt Petersen toqukkut qimaguppoq. Partiip siulittaasua, Aqqaluk Jerimiassen KNR-imut taama paasissutissiivoq.
Gerhardt Petersen Atasssummi 2009-mit 2014-imut siulittaasuuvoq.
Taanna piffissami sivikitsumi tassa 2013-imi martsimit 2014-mi novembarimi Inatsisartuni piffissaanngitsukkut nutaamik qinersisoqartussanngornera tikillugu Inatsisartuni sinniisuunikuuvoq.
Gerhardt Petersen KNI-mi piffissami sivisuumi atorfeqarnikuuvoq. 1993-mi nunap immikkoortuani pisortanngorpoq. 2005-imilu KNI A/S-imi pisortaanertut atorfinippoq, ukiorli ataaseq qaangiuttoq aningaasaqarnikkut inerneqarnerlunnera pissutigalugu atorfik qimattariaqarlugu.
Gerhardt Petersen 64-inik ukioqarluni toquvoq.