Atassutip Qeqqata Kommuniani Siumumik politikkikkut suleqateqarnini taamaatippaa
![](/sites/default/files/styles/image_934x467/public/article_images/atassut_0.jpg?itok=zOHH73Ip)
Qeqqata Kommuniani Atassut Siumullu politikkikkut suleqatigiinnissaminni isumaqatigiissuteqarput ataatsimiititaliani ataavartuni siulittaasoqarfik ataaseq Atassummit tigummineqassasoq. Atassutip siulittaasoqarfik taanna ukioq manna februaarip ulluisa 26-ata tungaanut tigummivaa, suleqatigiinnissamilli isumaqatigiissut Siumumit unioqqutinneqarnera pissutaalluni Atassutip Qeqqata Kommuniani Siumumik suleqateqarnini taamaatiinnaraa, Atassutip gruppeformandiata Tønnes Kreutzmannip tusagassiuutinut maanna nalunaarutigaa.
- Ilaqutariinnermut ataatsimiititaliami siulittaasup Atassummeersup kommunimut allamut nuunnera pissutigalugu siulittaasussamik qinerseqqinnermi Siumut amerlanerussuteqarnini atorlugu politikkikkut isumaqatigiissut unioqqutillugu taasivoq taamaalillunilu Ilaqutariinnermut Ataatsimiititaliami siulittaasuutitaqarneq februaarip 26-anni tigullugu, Tønnes Kreutzmann oqarpoq.
Siumulli Atassutillu Qeqqata Kommuniani suleqatigiikkunnaarnerat annerusumik sunniuteqarnavianngilaq, tassami Siumut Qeqqata Kommuniata kommunalbestyrelsiani amerlanerussuteqarluarpoq qulinik ilaasortaatitaqarami, Atassut pingasunik ilaasortaartitaqartoq, Inuit Ataqatigiit ataaseq Partii Nalerarlu ataatsimik ilaasortaatitaqartoq.