Ataatsimut isigalugu: Ajunaalernermi ima kalerrisaarisoqartarpoq
Nuummi innuttaasut ajunaarnersuarmik kalerrisaarutip sapaammi ullaakkut aallartinnerani kisimik itertitaanngillat. Politiit qatserisartullu illoqarfiup tamarmi mittarfimmi isumannaallisaanikkut mittoqarnissaanut atatillugu kalerrisaaruteqarfigineqarnerat aamma isumaliutigaat.
Ajunaarnersuaqalerneranimmi kalerrisaarut pisuni immikkut ittuni, ilungersunartuni annertuumik ajutoortoqarnerani imaluunniit ajunaarnersuaqarneranik innuttaasunut ulorianaateqartuni taamaallaat atorneqartussaavoq.
Tamanna politikommissærip, Malik Olesenip oqaluttuaraa:
- Ajunaarnersuarmik kalerrisaarut pisuni ilungersunartuni annertuuni innuttaasunut sunniuteqarfiusuni aallartinneqartarpoq. Assersuutigalugu amerlasuut eqqugaaratarsinnaaneranik gassimik aniatitsisoqaraluarpat. Taama pisoqaraluarpat siggartaatinik kalerrisaarut atussavarput.
Kalerrisaarutit atorneqarnissaanut aalajangiineq eqqarsaatigilluagaasoq
Sapaatiummat kalerrisaarutit Nuummi illoqarfimmut tamarmut aallartinneqarnerat teknikkikkut kukkuneruvoq.
Qatserisartut politiillu arlaannik ajortoqarnera erngertumik aamma ilisimavaat.
Kalaallit Nunaanni Politiit siggartaassuit aallartinneqarnissaanut allattorsimaffeqanngitsoq paasissutissiissutigaat. Aalajangersimasumik naliliineq tunngavigalugu aallartinneqartuaannarpoq.
Ajunaarnersuaqarneranut kalerrisaarut ima pisoqartillugu atorneqarnissaa pisariaqarsinnaavoq:
- Gassimik uuliamillu aniatitsisoqarnerani
- Ikuallattoqarnerani
- Qaqqami sisoortoqarnerani
- Tassaarsuaqarnerani
- Timmisartumi ajutoortoqarnerani
Siggartaassuit inunnut amerlanerusunut inuunermik navianartorsiortitsisinnaasunik pinasuartunik erngertumillu paasissutissiisoqarlunilu innuttaasunut ilitsersuussiffiusariaqartunik pisoqarnerani atorneqartarpoq, Kalaallit Nunaanni Politiit KNR-imut mailikkut allapput.
Det siger Jens Mikkelsen, der er viceberedskabschef ved brandvæsenet:
Tamanna qatserisartut pisortaata tullersortaata, Jens Mikkelsenip oqaatigaa:
- Upalungaarsimasorpassuit eqqarsaatersuutigaat. Taakku eqqarsarput, ”Sooruna taamaattoqartoq? Sooruna aallartittoq?” Nammineq kalerrisaarutitsinni aamma nalunaarfigineqarpugut, tassani ”Mittarfimmi ajunaarnersuaq”-mik allassimavoq, taamaammat erngertumik eqqarsarpugut ”Tamanna nalinginnaasumik siggartaatitigoorneq ajoraluarpoq. Uagutsinnut kisimi annguttussaagaluarpoq”.
AAMMA ATUARUK Upalungaarsimanermi pisortaq: Nuummi kalerrisaarineq KUKKUNERUVOQ
Toortagaq kalerrisaarummut aallartitsisoq toorneqaraangat politiit nalinginnaasumik oqartussat allat isusioqatigalugit aalajangiisarput:
- Oqartussat: qatserisartut, peqqinnissaqarfiup, politiit Mittarfeqarfiillu akornanni suleqatigiinneruvoq- Politiit pisuni ilungersunartuni annertuuni suliaqarnermi ataqatigiissaarisarput, taamaammat siggartaatit atorneqassanersut uagut nalilersuisarnerput nalinginnaalluinnarpoq, Malik Olesen oqarpoq.
Kalerrisaarutip illoqarfimmut tamarmut aallartinneqannginnerani oqartussat sooq siggartaatit aallartinneqarnersut ilisimareertussaavaat, upalungaarsimanermillu nalunaarut innuttaasunut susoqarneranik qanorlu iliornissaanik ilisimatitsissutaasoq, KNR-imut erngertumik nassiunneqassaaq.
Sapaatiummalli periusissiaq nalinginnaasoq atorneqarnerani taamaattoqanngilaq.
Angerlarlutit radio tusarnaaruk
Ajunaarnersuarmik kalerrisaarutip aallartinneqarnerani innuttaasut angerlarlutik raadiokkut, tv-kkut nittartakkatigulluunniit malinnaassapput.
KNR TV-kkut radiokkullu nalinginnaasumik immikkut ittumik aallakaatitsisussaavoq, taamaattoqanngilarli, taamaammat Nuummi innuttaasut sivisuumik paasisaqanngillat.
- Periusissaq imaappoq politiit pisortaata ajunaarnersuaqarneranut atatillugu immikkut ittumik aallakaatitsisoqarnissaa piumasarisinnaavaa. Immikkut ittumik aallakaatitsinissatsinnik qinnuigineqanngilagut, kisianni kalerrisaarut aallartimmat politiinut attaveqarpugut, paasissutissanillu raadiokkut aamma knr.gl-ikkut ingerlatitseqqinniarluta aalajangerluta, nutaarsiassaqartitsiviup pisortaa, Alice Sørensen oqarpoq.
KNR Radio nalunaaquttap 8.30-p aamma 9.08-ip akornanni sisamanik nalunaaruteqarpoq, nittartakkatigullu nutaarsiassaqartitsiviup nutaarsiassat marluk 8.51-ip aamma 10.29-p akornanni saqqummersillugit.
AAMMA ATUARUK Solveig Jakobsen hørte katastrofealarmen: Jeg troede, der var krig
Sapaatiummat pisoq oqartussanit maanna nalilersuiffigineqaleruttorpoq, siunissami tamaalilluni assingusumik pisoqaqqinnginnissaa qulakkeerniarneqassalluni.
Politiit qatserisartullu illoqarfinni nunaqarfinnilu ataasiakkaani siggartaatit qanoq atorneqarnerat assigiinngissinnaasoq aamma oqaatigaat.
