Assi: KNR / Nauja Møller

Ataatsimiititaliarsuaq: Inuit pingasut coronavirusimik tunillatsissimanngillat

Nuummi inuit pingasut angerlarsimaffimminnit aneqqusaajunnaaqqapput.

Inuit pingasut Nuummiittut coronavirusimik tunillatsissimasinnaasutut oqartussanit pasitsaanneqaqqasut tunillatsissimanngillat.

Tunillaassortunik nappaalasoqarneranut ataatsimiititaliarsuaq tusagassiuutinut nalunaarummi taama paasissutissiivoq.

- Innersuussutit suli eqqaamassavagut, aamma pingaaruteqartupilussuuvoq malinnissaat. Nunatsinnut siunissami anngutissaqqaarpoq, Kim Kielsen oqarpoq.

Inuit taakku pingasut mattussaasariaarupput aneqqissinnaallutillu.

AAMMA ATUARUK Ataatsimiititaliarsuaq: Inuit pingasut coronavirusimik tunillatsissimasinnaasut

Inuk ataaseq Danmarkimi timmisartorsuarmut ilaalluni marlunngormat Kangerlussuarmut tikippoq. Nuummut ullorlu taanna timmisartumik ingerlaqqippoq.

Inuit allat marluk Canadami Torontomi ataatseersuarnermi peqataaqqammerput. Ataatsimeersuarnermilu tassani peqataasunit ataaseq coronavirusimik tunillatsissimasoq paasineqarsimavoq.

Coronavirusi pillugu oqarasuaatitigut immikkut saaffiginnittarfimmik ammarneqarpoq, uunga oqarasuaat 801100 corona pillugu innuttaasut apeqquteqartoqarsinnaapput.

Oqarasuaat ammatinneqassaaq ullut tamaasa nalunaaqutaq arfineq pingasuniit sisamanut tungaanut.

Email-ikkut aamma apeqquteqartoqarsinnaassaaq uunga allalluni: corona@nanoq.gl

Saaffiginnissutit peqqissutsimik tunngaveqarlutik ilinniarsimasunit akineqartassapput, naalakkersuisut allapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat