Ataatsimiinnissaq taamaatinneqarmat Talibanit sakkortuumik akisut
Trumpip ataatsimiinnissaq taamaatimmagu amerikamiut inuunerannik naleqassasoq Talibanit siorasaarillutik oqaatigaat.
Ataatsimiinnissaq taamaatinneqartoq tusarlugu Talibanerit USA-mut sakkortuumik sapaammi qisuariarput.
- Amerikamiut ajorluinnartumik misigissavaat, Talibanit oqaaseqartartuat, Zabiullah Mujahid oqarpoq.
Ataatsimiinnissaq sumi ingerlanneqassanersoq isertuunneqaraluartoq - ataatsimiinnissaq Trumpip taamaatiinnarlugu nalunaarutigaa.
Taamaatitsinermut pissutaavoq, Afghanistanimi illoqarfiup pingaarnersaani Kabulimi tallimanngormat saassussisoqarnerani amerikamioq ataaseq inuillu allat - aqqaneq marluk toqutaammata - Talibanimeersullu pisuunerarlutik.
- Eqqisseqatigiinnissaq anguniarlugu sakkuaakkunnaarumanngippata - inuillu sussuseqanngitsut aqqaneq marluk toqqutigisaannik saassussippata taava isumalimmik isumaqatiginniarnissamut nukissaqanngillat, Trump Twekkerikkut taama allaaserisaqarpoq.
USA aamma Taliban eqqisseqatigiinnissaq pillugu ukiup ataatsip missaani isumaqatiginniaraluarput.