Assit takukkit: Arctic Winter Games aallartilluartoq
Arctic Winter Games 2023 utaqqisaajuarsimasoq sapaatiummat aallartinneqarpoq.
Canadami illoqarfik Fort McMurray ukioq manna unammiuaarnernik ukiuni tallimani uninngasimasunik aaqqissuussisuuvoq. Arctic Winter Games kingullermik 2018-imi aaqqissuunneqarpoq. Tamatuma kingorna Covid-19 maannamut akunnattoorfiusimavoq.
Kalaallit timersortartut 65-it pissangaqalutik ammaasiornerup sapaatimmat unnukkut aallartinnissaa utaqqivaat.
Majka Qvist.
15-inik ukiulik, Majka Qvist taakku ilagaat, taanna Arctic Sportsimi peqataassaaq. KNR-ip taanna ammaanersiornerup aallartinngilaarnerani nuannersereerneranilu oqaloqatigilaarpaa.
- 1-miik 10-mut, 10! Nuannerunarnermik nuannermik, taanna KNR-imut oqarpoq.
Taanna unammigiaqatini peqatigalugit Fort Mcmurray-imi unamminerpassuit ilaasa unammiuaarfissaannut timersortarfimmut MacDonald Island Parkimut isaapput. Kalaallit timersortartut Arctic Winter Gamesimut peqataasussat allat sumiiffinnit assigiinngitsunit arfineq-marluneersut peqatigalugit sanileriiaallutik nikorfapput.
Arctic Winter Games 2023-p erisarsuutaa atorneqareermat ikumatittagaq qimussinit eqqunneqarpoq, timerosrtartullu Brooke Voightip ikippaa.
AAMMA ATUARUK Nunarput Arctic Winter Gamesimi ujaminnannissaanut neriuutissaqarluartoq
Ammaanersiorneq MacDonald Island Parkimit qummoroortarnermik naggaserneqarpoq.
Arctic Winter Games
Arctic Winter Games kingullermik 2018-imi aaqqissuunneqarpoq. Tamatuma kingorna Covid-19 pissutigalugu taamaatiinnarneqartaarpoq.
Arctic Winter Games Canadami nunap immikkoortuani Albertami Wood Buffalumi ukioq manna aaqqissuunneqarpoq.
Nunatsinnit timersortartut 67-it peqataapput.
Nunatsinni timersortartut Arctic Sportsimi, Dene Gamesimi, volleyballimi, sulorarnermi, nerrivimmi arsaararnermi snowboardimilu peqataassapput.
Nunatta peqataanerata saniatigut Alaskamit, Alberta Northimit, Northwest Territoriesimit, Nunavic-Quebecimit, Nunavummit, Sapmimit aamma Yukonimit peqataasoqassaaq.
Timersortartut katillugit 1800-it sinneqartut peqataapput.
Nunatsinnit timersortartut 67-it timersuutini assigiinngitsunit arfinilinnit tassa nerrivimmi arsaararnermi, sulorarnermi, Dene Gamesimi, Arctic Sportsimi, volleyballimi snowboardernermilu peqataasussaagaluarput.
Timersortartulli marluk Canadamut apuutinngitsoorput. Tassa sulorartartoq kiisalu Arctic Sportsimi unammisartoq nunatta kujataaneersut sila pissutigalugu aallanngitsoorput, taamaammallu ukioq manna unammiuaarnerni ilaanngiinnartariaqarlutik.
Nunatsinni timersortartut Arctic Sportsimi, Dene Gamesimi, volleyballimi, sulorarnermi, nerrivimmi arsaararnermi snowboardimilu peqataassapput. Sulorarneq aqagu aallartissaaq.
