Assakaasunik quasartorsiutinik atuisut politiinit akiligassinneqassapput

Nuummi ullumikkorpiaq nittaakkaluartoq, biilit quasartorsiutinik assakaasoqartinnissaat issarli inerteqqutigineqalerpoq. Politiillu assakaasunik maanna misissuileruttorpoq.

Allattoq Camilla Dam

juunip 08-at 2015 11:44

Assakaasuminnik taarsiisimanngitsut arfineq-pingasut politiit maannamut naammattoorsimavaat, taakkulu 500 koruuninik akiligassinneqarput.

Assakaasunik quasartorsiutinik atuisinnaaneq maajip 15-iata tungaanut sivitsorneqarpoq, tamatumalu kingorna assakaasut nalinginnaasut kisiisa atorneqaqqusaapput, tamannalu matuminnga pissuteqarpoq:

- Assakaasut quasartorsiutit aqqusinermut nungullarsaataasarput, aqquserngillu aserfallatsaaliorneqarnerat pisortanut angaasartuutaangaatsiarpoq taamaattumillu tamatsinnut akisuunngorsinnaalluni, Sermersuumi Politiit tusagassiorfinnut nalunaarutaanni tamanna atuarneqarsinnaavoq.

Politiit aamma oqaatigaat assakaasut quasartorsiutit aqqusinermi sermeqanngitsumi atussallugit quaannartuusut. Tamannalu biilertunut inuusuttunut misilittagaqarpallaanngitsunullu tulluarani.

Aamma atuaruk Biilimi assakaasut quasattorsiutit ataannarallarnissaat akuerisaavoq