Biilimi assakaasut quasattorsiutit ataannarallarnissaat akuerisaavoq
Nunatsinni politimestereqarfiup kommuninik oqaloqateqareerluni biilimi assakaasunik quasartorsiutinik maajip aallaqqaataata kingorna atuisinnaanerup sivitsornissaa aalajangiuppaa.
Biilimi assakaasut quasartorsiutit maajip aallaqqaataanni taarserneqareersimasussaagaluarput. Assakaasunilli taamaattunik atuisinnaanerup sivitsorneqarnissaa politiinit akuersissutigineqarpoq.
Taamaattumik nunap immikkoortuini ukunani piffissani ukunani biilimi assakaasut quasartorsiutit atorneqarsinnaanerat sivitsorneqarpoq:
Kommuneqarfik Sermersuumi maajip 15-iata tungaanut. Qaasuitsup Kommuniani maajip 31-ata tungaanut.
Qeqqata Kommuniani piffissani ukunani illoqarfinnilu ukunani biilimi assakaasunik quasartorsiutinik atuisoqarsinnaassaaq:
Sisimiuni Maniitsumilu maajip 31-ata tungaanut. Kangerlussuarmi maajip 15-iata tungaanut.
Kommune Kujallermi biilimi assakaasunik quasartorsiutinik atuineq sivitsorneqanngilaq, taamaammallu taqqavani aqagumit tamakkua atorneqarunnaartussaapput.
