Assi: Kommuneqarfik Sermersooq

Asii: Siuariartortitsinermut aningaasaliisoqarli

Kommuneqarfik Sermersuup borgmesteriata Qaasuitsup aamma Qeqqata Kommuniini borgmestereqatini qaqutigoortumik isumaqatigalugit nalunaaruteqarpoq.

Borgmesterimmi Hermann Berthelsenip Ole Dorphillu - Siumumeersut -Nunatta aningaaqarniarnikkut ajornartorsiutaata aaqqiissuteqarfiginissaanut sanaartornermut aningaasaliisoqartariaqarneranik tikkuartuipput.

Tamannalu Kommuneqarfik Sermersuumi borgmesterip Inuit Ataqatigiinneersup Asii Chemnitz Narupip isumaqatigaa.

- Isumaqataalluinnarpunga. Siuariartortitsinissamut periarfissaqarfiusunut aningaasaliisoqassaaq, immikkoortunilu pissarsiviusussaasutut isikkoqanngitsunut aningaasaliinerit annikillisarneqassallutik, Asii Chemnitz Narup tusagassiorfinnut nalunaaruteqarluni taama allappoq.

Apeqqutaassaarli Hermann Berthelsenip Ole Dorphillu Asii Chemnitz Narup isumaqatigissaneraat.

Taassumami erseqqissaatigaa Nunatsinni illoqarfiit marluinnaat innuttaasui ullumikkut amerliartortut, tassalu Tasiilap Nuullu.

- Taamaammat taakkunani attaveqaatinik inissianillu pitsanngorsaanerit siuarsaaviusariaqarput, Asii Chemnitz Narup oqarpoq.

Qeqqatali Qaasuitsullu kommuniini borgmestereqatai isumaqarput aningaasaliinerit kommuniminni pisariaqartut.

- Politikkimi sumiiffinnilu politikkimi soqutigisat pinnagit periusissiaq malillugu ineriartortitsineq aningaasaliineruvoq pingaarnerpaaq, Kommuneqarfik Sermersuumi borgmesteri taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat