Asii Chemnitz Narup aningaasaqarnermut naalakkersuisutut tunuarpoq

- Suliaq ukiut arlallit matuma siornatigut, siusinnerusukkullu atorfigisimasamasa nalaani pisimasoq, naalakkersuisooqatigiit ingerlaannarnissaannut akornutaalersissinnaanngilara, Asii Chemnitz Narup tusagassiuutinut allappoq nangipporlu:

- Maanna nunatta aninngaasanut inatsisissaa aalajangerneqaleraluttualerpoq, ungasinngitsukkullu kommuninut ataatsimoortumik tapiissutit isumaqatigiissutigineqarput. Nuannaarutigaara tulluusimaarutigalugulu suliat taakku naammassillugit suleqataaffigisimagakkit, Aningaasanut nunamullu namminermut naalakkersuisuujunnaartoq allappoq.

Taassumami ullaap tungaa tunuarniuteqarnini nalunaarutigaa.

Kommunit Nakkutilliisoqarfiat Asii Chemnitz Narupimut sakkortuumik isornartorsiueqqammerput. Borgmesteriunerata nalaani Kommuneqarfik Sermersuup inissianut attartortarnermut suliaq pillugu qanittumi saqqummiuneqartoq eqqartorneqangaatsiarpoq.

- Nakkutilliisoqarfiup nalunaarusiaa uannut tatiginninnermik annertuumik aalassatitsisimarpasippoq. Periarfissamillu allamik takusaqarsinnaanngilanga taamaallaat tunuartariaqarninnit. Kisianni soorunami eqqumeeqaaq Nakkutilliisoqarfiup aalajangerneranit takusatuara tassaammat tusagassiutinut nalunaarut. 

AAMMA ATUARUK Kommuneqarfik Sermersuumi borgmesteriusimasup ineqarnermut suliaq pillugu isornartorsiuineq ilungersunartumik tigugaa

- Nakkutilliisoqarfiup paasissutissanik uannik sakkortuumik uparuaatiminut tunngavilersuutaanik pissarsinissannut suli periarfissaqartinneqarsimanngilanga – taamaattumillu imminut illersussalluni ajornarluinnarsimavoq imaluunniit paasiniassallugu isornartorsiutit eqqortuunersut kukkusuunersulluunniit, Asii Chemnitz Narup allappoq.