Arnat periarfeerussat pillugit tusarniaasoqalersoq

Arlaleriarluni kinguartitsisoqartareersoq, British Columbiami illoqarfeeqqami Smithersimi tusarniaanerit sapaatit akunnerata siuliani ulluni pingasuni ingerlanneqarput.

Illoqarfeeraq aqqusinersuup eqqannguani inissisimavoq. Aqqusinersuarlu taanna taagorneqarpoq Qulliit kuuttut aqqutaat (The Highway of Tears), arnat inuartarineqartut aqqusinikkut tassuuna angerlartillutik lastbiilinik ingerlatsisunit allanillu ikineqartarsimapput kingornalu inuartarineqanngikkunik periarfeerunneqartarsimallutik.
 

AAMMA ATUARUK Misissuinissamut isumalioqatigiissitap sulinini aallartippaa

Arnat eqqaaniarneqartut

Tusarniaanerit pinnginnerini aqqusinersuakkut illoqarfeeqqamut Smithersimut ulluni pingasuni ingerlaaqatigiittoqarpoq arnat inuartarineqarsimasut sammineqalernissaat siunertaralugu. 
Periarfeerunneqartunut inuartarineqarsimasunulluunniit ilaqutaasut qitornartik, qatanngutertik allatigulluunniit ilaqutarisartik pillugu tusarniaanerni nassuiaatinneqarput. 
 
Tusarniaanerilli pineqartut isornartorsiorneqangaatsiarsimapput, isumaqartoqarmat ilaqutaasunik eqqortumik akuutitsinngitsut.
Canadami arnat periarfeerussat inuartarineqarsimasullu eqqaaniarlugit ullorititaq pingasunngormat pivoq, illoqarfinnilu arlalinni eqqaaniaanerit ingerlanneqarput.

AAMMA ATUARUK Flere forsvundne kvinder end antaget

Ottawami arnat suleqatigiit "Sister in Spirit" Canadami inatsisartut illorsuata silataani eqqaaniaapput, premierminister Trudeauillu eqqaaniaasut anillaffigalugit oqaloqatigillatsiarpai.

Nuna tamakkerlugu tusarniaanerit maanna nanginneqassapput.