Timersorneq

Arnat assammik arsarlutik nunanut allanut unammisartut Nuummi sungiusarput

Allattoq Laura Aggernæs, Mads Lynge

februaarip 08-at 2015 12:59

Arnat assammik arsarlutik nunanut allanut unammisartut Nuummi sapaatip-akunnerata massuma naanerani sungiusarput, Amerikap nunavittaani assammik arsarluni unammersuarnissamut anngunniuttoqarnissaanut piareersarlutik.

Arnat assammik arsarlutik nunanut allanut unammisartut tamakkiisumik ukiualunni katersuussimanatik maanna katersuupput. Kalaallit Nunaanni Assammik Arsartartut Kattuffiat tusagassiutinut nalunaarummi ilaatigut taama allaaserisaqarpoq.

Assammik arsartartut Danmarkimeersut Nunatsinneersullu maanna tassa Nuummi katersuupput sungiusarlutillu. Unammisartut peqataasut Danmarkimi klubbini sungiusaasut oqaloqatigineqarnerisigut Nunatsinnukarsinnaasimapput.

Nunanut allanut unammisartut peqataasussat aqqi nittartakkatsinni knr.gl-imi alakkarneqarsinnaavoq.

Peqataasussat:

1. Mia Egede Rasmussen, Lyngby HK

2. Kathrine Mikkelsen, Silkeborg - Voel

3. Hanna Millek, Ringsted

4. Karen M. Fleischer, NÛK

5. Panu P. Grønvold, GSS

6. Najaaja Anja Lyberth, GSS

7. Arnaq Jensen, SAK

8. Christina Lange, NÛK

9. Aviaaja Heilmann, GSS

10. Lykke Frank Hansen, GSS

11. Rina Møller Lorentzen, Hadsten

12. Anja Heilmann, SAK