Arnaq 37-nik ukiulik nakorsaatinik tillissimasutut unnerluutigineqartoq
![](/sites/default/files/styles/image_934x467/public/2024-02/image00011.jpeg?itok=ie-UScvk)
Arnaq maanna 37-nik ukioqartoq qaammatit arfineq-pingasut ingerlaneranni nakorsaatinik katillugit 3.000 koruuninik nalilinnik tillissimasutut unnerluutigineqarpoq.
Arnaq paarisaminik tillissimasutut unnerluutigineqarpoq.
Unnerluussut naapertorlugu tamanna nakorsaatilerisutut atorfeqarnermini nakorsaatissanillu pissarsiaqarsinnaanermini taamaaliorsimavoq.
Nakorsaatissat assigiinngitsut tallimat
Paarisanik tillinneq 2021-mi novembarimit 2022-mut juulimut pisarsimavoq, tassanilu arnaq nakorsaatinik paarisaminit morfininik 229-nik, Ketoganinik 35-nik annertussuseqartunik, Kakcekstinik 24-nik annertussuseqartunik Fentanylinillu 48-nik annertussuseqartunik tillissimasutut unnerluutigineqarpoq.
Nakorsaatissat nammineq atugassatut imaluunniit tuniniaqqitassatut tillinneqarsimanersut unnerluussissummi allassimanngilaq.
Unnerluussisussaatitaasut piumasaqaataannik isumaqatigineqassagunik arnaq pinerluuteqaqqissaguni ulluni 30-ni pineqaatissinneqarsimasunut inissiisarfimmiittussanngortinneqassaaq, tamatumanilu misilinneqarfia ukiumik ataatsimik sivisussuseqassalluni.
Arnaq paarisanik tillinnermi kingorna Danmarkimut nuussimavoq, taamaammat eqqartuussinermut Horsensip eqqartuussivianit videoliuutikkut peqataassalluni.