Arctic Umiaq Line pisortartaassasoq

Taitsiannguaq Olsen Arctic Umiaq Linemi 2024-mi juulip aallaqqaataani pisortanngussaaq.

Royal Arctic Line tusagassiorfinnut taama nalunaarpoq.

Taitsiannguaq Olsen RAL-imi ukiuni 25-ni atorfeqartareerpoq. Taanna imarsiornermut ingerlatsinermullu tunngasunik misilittagaqarluartoq, RAL tusagassiorfinnut nalunaarummini allappoq.

Arctic Umiaq Linep nunatsinni ilaasunik immakkut angallassinermi siunissami qanoq atuuffeqassanersoq Namminersorlutik Oqartussat suleqatigalugit erseqqissarneqarnissaa, Taitsiannguaq Olsenip pingaarnertut suliassarissavaa.

Arctic Umiaq Linep Namminersorlutik Oqartussallu kiffartuussinissamik isumaqatigiissutaat 2025-p naanerata tungaanut atuuppoq.

Taitsiannguaq Olsenip Arctic Umiaq Linemi 2022-miit 2024-p tungaanut pisortaasoq, Jens Jakob Sandgreen, paarlassavaa.