Nersornaasiineq neqeroorutit suliariniakkat amerlanerusut aallartisarnissaannut atorneqassapput, Lars Peter Anker Møller oqarpoq.Assi: Visit Greenland

Arctic Dream ukiormanna nersornaaserneqartoq

Greenland Tourism Award 2019-imi tunumi takornarialerisoq, Arctic Dream, ajugaasutut ukiormanna toqqarneqarpoq.

Tunumi qimussinik piniarnermillu takornariartitsisarfimmi Arctic Dreamimi Lars Anker Møller siuttuulluni 2007-imiilli takornariartitsisarsimavoq.

- Nersornaasiineq uannuinnaq tunngassuteqanngilaq, maanili nunaqqatitsinneersunut suleqataasunut aamma tunngavoq taakkoqanngitsuuppammi Arctic Dream ingerlasinnaanavianngikkaluarmat, Lars Peter Anker Møller erseqqissaavoq, nangillunilu:

Najukkatta eqqaani takornariaqarnerup inerisarnissaanut ilinniartitaaneq inerisaanerlu sulissutigaarput, atuisartullu isummersortarneri inerisaanitsinni atortarlutigit. Nersornaasiinerlu neqeroorutit suliariniakkat amerlanerusut aallartisarnissaannut atorneqassapput, Lars Peter Anker Møller oqarpoq.

Piujuartitsineq ukkanneqartoq

Visit Greenlandimeersunik, Air Greenlandimeersunik kiisalu Greenland Businessimeersunik immikkut ilisimasalinnik naliliisartoqarnitta erseqqissarpaa, Greenland Tourism Award atuutiinnartussatut pilersinneqartoq, nunatsinni takornariaqarnermik inuussutissarsiornermik ineriartortitseqataallunilu patajaallisaaqataasoq.

 

 

- Takornariaqartitsinermut atatillugu piujuartitsineq imminullu akilersinnaasumik ingerlatsineq tassaavoq takornariaqarnerup iluani suliffissanik pilersitsineq, Kalaallit Nunaanni pinngortitamut pisuussutinullu atatillugu ineriartortitsineq kiisalu isumannaallisaanermik annertusaaneq, Visit Greenlandimi pisortaq Julia Pars oqarpoq.

Greenland Tourism Award tassaavoq takornarialerisartumik pikkorissumik takornariaqarnermik inuussutissarsiortut allat namminneq nersornaasiinerat.

- Nunatsinni takornariaqarnermut atatillugu sulilluarsimallutillu puigunaatsunik tunniussaqarsimasunut nersornaasiisoqartarpoq, Air Greenlandimi pisortaaneq, Jacob Nitter oqarpoq.

Nersornaasiinermi piukkunneqartuni aappaattut inissipput: Two Ravens Nuummeersoq, pingajuattullu Nuuk Water Taxi.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat