ASSIT Arctic Circle Race tallimanngorpat aallartissaaq
Kunngissaq Frederik ujakkaaqataassaaq, Anne Linnet erneralu, Xander, tusarnaartitsissapput. Peqataasussat 210-it missaaniittut sisoraarserluni sukkaniunnerit nunarsuarmi sakkortunersaannut apriilip aallaqqaataanit pingajuata tungaanut ingerlanneqarnerani misigisassaqarluarput.
1987-imi inuit peqataanissamut nalunaarsimasut amerlanerpaaffigisimasaat tassalu inuit 183-it nalunaarsimaneri qaangerneqarpoq. 160 kilometerinik isorartutigisumi unamminissaq sisorartussat tallimmangorpat aallartillugu 56,6 kilometerit ingerlaassavaat, 100 kilometerimillu sisorartussat 33,5 kilometerimik ulloq siulleq sisorassallutik.
Ukioq kingulleq anorersuarnera pillugu unammineq naalineqarnikuuvoq ukioq mannali silassaq peqataasussanut aaqqissuisunullu pitsaaneroqaaq.
Allaaqqinnissaa DMI-p ilimasaarutigaa, sekundtimut meterimut tallimanik sakkortususilimmik anorsaassangatippaa tallimanngornermilu - 15-20 gradimikississangatillugu. Arfininngornermi kiannerulaarluni qulinik ississangatinneqarpoq, sapaammilu kiannerulluni tallimanik ississalluni.
Sisorartut Sisimiuni aallartittut isiginnaariassagukkit kunngissaq Frederik normu 110-mik normoqarpoq.