Aqqusinersuaq Barack Obamamut atsiunneqartoq
Los Angelesimimi aqutsisut aqqusernup Rodeo Roadip ilaata 6 kilometeritut isorartutigisup, Mid Cityp Culver Cityllu akornanniittup Obama Boulevardimik atserneqarnissaa arfininngornermi aalajangerpaat.
Aqqusernup aqqa arfininngornermi festivalertitsisoqarnerani inuppassuit najuuttoqarlugit uleerneqarpoq.
Siornatigut præsidentiusimasup aqquserna inuit nuimasut allat assigalugit atsiunneqarpoq.
Obama Boulevardimmi aqqusernit soorlu Martin Luther King Jr. Boulevard præsidentillu allat atsiunneqarsimasut aqquserni aqqusaassavai. Aqqusernit pineqartut tassaapput, Washington, Adams aamma Jefferson Boulevardit.
Rodeo Road Los Angelesimi aqqusinermut ilisimaneqarluartumut Rodeo Drivemut sanilliunneqassanngilaq. Hollywoodimi filmiliaritittartut ilisimaneqarluartut ilaat Rodeo Drivemi najugaqarput.
- Obamap illoqarfitsinnut, Californiallumi kujasinnerusortaanut pingaaruteqarnera takutikkusupparput - Los Angelesimi aqutsisut siulittaasuata Herb Wessonip Obama Boulevardip akuersissutigineqarnera pillugu taama oqarpoq.
