Aqqaneq-marlunnik ukiullit pingasut Finlandimi atuarfiit ilaanni aallaasersortoqarnerani ikilerneqartut

Finlandimi meeqqat pingasut atuarfiit ilaanni marlunngornermi ullaakkut aallaasersortoqarnerani ikilerneqarput.

Finlandimi politiit tusagassiorfinnut nalunaarummi taama ilisimatitsisut, nutaarsiassaqartitsivik Reuters allappoq.

Illoqarfiit pingaarnersaasa Helsinkip eqqaani illoqarfimmi Vantaami tunngaviusumik atuarfiit ilaanni aallaasersortoqarpoq.

Aallaasersornermi eqqorneqartut tamarmik aqqaneq-marlunnik ukioqarput.

Saassussisutut pasineqartoq, aamma ukiukitsuusoq, politiinit tigusarineqartoq, politiit ilisimatitsissutigaat.

Aallaasersornermi eqqorneqartut qanoq issusiat pillugu paasissutissanik saqqummiisoqanngilaq.