Apriilip aappaani kommunemut qinersissaagut
![](/sites/default/files/styles/image_934x467/public/article_images/i_stemmeboks630_1.jpg?itok=IyaPrSTG)
Tassami kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsissaat nutaaq novembarip 27-ani Inatsisartuni pingajussaaneerneqarluni akuersissutigineqassappat, kommunalbestyrelsinut aapriilip aappaani qinersissaagut.
Taamaalilluni kommunalbestyrelsinut, nunaqarfinni aqutsinut ilagiillu sinniisaannut siunissami aalajangersimasumik aapriilimi marlunngorneq siulleq qinersiffigisalissuarput. Inatsisissatummi siunnersuummi tamanna aalajangersakkatut ilanngunneqarpoq. Inatsimmi maannakkut atuuttumi Qinersinermut ataatsimiititaliaq apriilimi ullormik qinersiffiusussamik aalajangiisartuutinneqaraluarpoq.