Apeqqutitit pillugit immikkut oqallisilerput
Qaqortumi qinersisartunik KNR-TV-kkut Radiokkullu toqqaannartumik ippassaq unnukkut aallakaatitsisoqareersullu, qallunaatut apeqqarissaarnerni KNR-imit aqutsisoq, Mikkel Bjarnøe Lund, taama ilisimatitsivoq.
- Apeqqutit amerlallutillu apeqqutitsialaammata immikkut aallakaatitsinissarput aalajangiupparput, KNR-imi nutaarsiassaqartitsinermi pisortaq oqarpoq.
Tassa politikerinut apeqquteqarusukkuit facebook.com/qinersineq ammariarlugu apeqquteqarnissannut suli periarfissaqarputit.
Siumup siulittaasua Aleqa Hammond aamma IA'p siulittaasua Kuupik V. Kleist oqalliseqatigiisinneqartussaapput. Taakkuuppummi Naalakkersuisuni siulittaasunngortussatut ilimagineqarnersaasut.
Taamatut oqallitsitsinissamik isumassarsisuupput Ilisimatusarfimmi ilinniartut taannalu tassa KNR-TV-mi toqqaannartumik aallakaatinneqassaaq marlunngorneq februaarip 26-at nalunaaqutaq 19.30-miit 21.00-ip tungaanut. Qallunaatuumut nutserneqarnera KNR2-kkut tusaaneqarsinnaassaaq kalaallisullu nipaa radiokkut aamma toqqaannartumik aallakaatinneqassalluni.
